La Liqanın birinci turunun “Atletik”ə qarşı dünən keçirilən oyununda “Barselona”nın hücumçusu Luis Suares zədə alıb.
Newsport.az-ın məlumatına görə, əzələsi dartılan uruqvaylı oyunçu 34-cü dəqiqədə məcburi əvəzlənməli olub. Bu gün o, tibbi müayinədən keçəcək. Bundan sonra zədənin dəqiq xarakteri və futbolçunun bərpa müddəti müəyyənləşəcək.
Xatırladaq ki, dünənki görüşdə “Barselona” “Atletik”ə səfərdə 0:1 hesabı ilə uduzub.