Beynəlxalq Çempionlar kubokunda daha bir oyun keçirilib.

Newsport.az-ın məlumatına görə, Kardiffdəki "Prinsipaliti" stadionunda "Mançester Yunayted" və "Milan" üz-üzə gəlib. Matçın əsas vaxtı 2:2 hesabı ilə başa çatdığı üçün yarışın reqlamentinə əsasən, qalib penaltilər seriyasında müəyyənləşib. Burada daha dəqiq olan İngiltərə klubu 5:4 qalib gəlib.

"Mançester Yunayted"in 5 oyunçusu da penaltini düzgün yerinə yetirib. "Milan"dan isə Daniel Maldini penaltidən fərqlənə bilməyib.

"Mançester Yunayted" - "Milan" - 2:2 (penaltilər seriası -5:4)
Qollar: Reşford, 14 (1:0), Suso, 26 (1:1), Lindelef, 60-avtoqol (1:2), Linqard, 72 (2:2)