"Barselona"nın futbolçusu Malkom karyerasını Rusiyanın "Zenit" klubunda davam etdirəcək.
Newsport.az-ın məlumatına görə, Sankt-Peterburq təmsilçisi braziliyalı vingerlə 5 illik müqavilə imzalayıb.
22 yaşlı futbolçunun keçidi üçün kataloniyalılara 40+5 milyon avro təzminat ödənilib. Malkomun illik maaşı 6,5 milyon avro olacaq. Növbəti satışdan "Barselona"ya da pay düşəcək.
Malkom ötən yay "Bordo"dan "Barselona"ya 41 milyon avroya transfer edilmişdi.