Ötən mövsümün ikinci yarısını icarə əsasında "Barselona"da keçirən Kevin-Prins Boatenq karyerasını "Fiorentina"da davam etdirəcək.
Newsport.az-ın məlumatına görə, florensiyalılar 32 yaşlı hücumameyilli yarımmüdafiəçinin transferi üçün "Sassuolo"ya 1 milyon avro təzminat ödəyib. Qanalı futbolçu ilə 2 illik müqavilə imzalanıb.
Boatenq "Herta", "Tottenhem", "Borussiya" (Dortmund), "Portsmut", "Milan", "Şalke", "Las Palmas", "Ayntraxt" (Frankfurt), "Sassuolo" və "Barselona" kimi klublarda çıxış edib.