Avropa Liqasının II təsnifat mərhələsində "Neftçi"nin rəqibi olan Rusiyanın "Arsenal" klubu heyətini yeni futbolçu ilə gücləndirib.
Newsport.az-ın məlumatına görə, Tula təmsilçisi Moskva "Spartak"ının yarımmüdafiəçisi Aleksandr Lomovitskini icarə əsasında heyətinə qatıb. 20 yaşlı oyunçu növbəti mövsümü bu komandada keçirəcək.
"Arsenal"la "Neftçi" arasında səfərdə keçirilən ilk oyunda Azərbaycan təmsilçisi minimal hesablı qələbə qazanıb. Komandalar arasında cavab matçı avqustun 1-də Bakıda keçiriləcək.