"Atletiko"nun "Benfika"dan 126 milyon avroya transfer etdiyi Joau Feliş "Numansiya" ilə yoxlama oyununda zədələnib.
Newsport.az-ın məlumatına görə, 19 yaşlı hücumçu Madrid klubundakı debüt matçının 27-ci dəqiqəsində xəsarət alıb. Ağrılar hiss edən portuqaliyalı futbolçunu baş məşqçi Dieqo Simeone əvəzləyib.
Felişin durumuna yaxın günlərdə aydınlıq gələcək. Portuqaliya millisinin üzvünün durumunun ciddi olmadığı bildirilir.