"Real" yolları ayırmağa qərar verdiyi Keylor Navas üçün heç bir təklif almayıb.
Newsport.az saytı xəbər verir ki, bu barədə AS nəşri yazıb. Bildirilir ki, kosta-rikalı qolkiperin agenti yeni klub axtarışlarını davam etdirir. Lakin 32 yaşlı qapıçıya iddialı klublardan maraq yoxdu.
Navas illik ən azı 9 milyon avro maaş almağa ümid edir. "Real" isə 32 yaşlı qapıçının transferindən 10 milyon avro qazanmağı planlaşdırır.
Navasın Madrid klubu ilə 2021-ci ilə qədər müqaviləsi var. O, ötən mövsüm 21 oyunda meydana çıxıb. 2014-cü ildən "Real"da çıxış edən Navas 3 dəfə Çempionlar Liqası, 1 dəfə La Liqa, 2 dəfə UEFA Super Kuboku, 1 dəfə İspaniya Super Kuboku, 4 dəfə isə klublararası dünya çempionatının qalibi adını qazanıb