İspaniya millisinin sabiq futbolçusu Xose Antonio Reyes avtomobil qəzasında həlak olub.
Newsport.az-ın məlumatına görə, 35 yaşlı sabiq futbolçu İspaniyanın Sevilya şəhərində baş verən qəzada həyatını itirib.
Xose Antonio Reyes kariyerasına "Sevilya"da başlayıb, 2004-2007-ci illərdə "Arsenal"da çıxış edib. Reyes 2007-ci ildə "Atletiko" ilə müqavilə imzalayıb. 2012-ci ildə "Sevilya"ya qayıdan futbolçu daha sonra "Kordoba", "Xinjiang Tianshan Leopard" klublarında çıxış edib.
O, yanvar ayında "Ekstremadura" ilə müqavilə imzalayıb.