"Çelsi"nin futbolçusu Eden Hazard klubdan ayrıldığını təsdiqləyib.
Newsport.az-ın məlumatına görə, belçikalı futbolçu Bakıda keçirilən Avropa Liqasının finalından sonra açıqlamasında komandadan getdiyini deyib. "Arsenal"la oyunda dubl edən 29 yaşlı yarımmüdafiəçi yeni vida matçının gözəl alındığını söyləyib:
"Premyer Liqada oynamaq xəyalım idi. Bu xəyalımı ölkənin ən böyük klublarından birində oynayaraq, reallaşdırdım. Düşünürəm ki, bu, vida görüşüm idi. 7 il dünyanın ən yaxşı klublarından birində oynadım. Artıq yeni macəranın vaxtı gəlib".
Eden Hazard karyerasını İspaniyanın "Real" klubunda davam etdirəcək.