"Karyeramın ən çətin çempionluğu oldu" - Pep Qvardiola

2018/19 mövsümündə İngiltərə Premyer Liqasının qalibi olan "Mançester Siti" klubunun baş məşqçisi Pep Qvardiola fikirlərini bölüşüb.

Newsport.az-ın məlumatına görə, ispan mütəxəssis karyerasında ən çətin çempionluğu yaşadığını deyib: "Liverpul"u təbrik etməli və onlara təşəkkür etməliyik. Sona qədər mübarizə apardılar və səviyyəmizi yüksəltməyə səbəb oldular. Ötən mövsüm 100 xal baryerini aşdıq, bu mövsüm isə 98 xal topladıq. İnanılmaz göstəricidir. Çempionluğu qazanmaq üçün ardıcıl 14 oyunda qalib gəlmək məcburiyyətində qaldıq. Rəqibimizin səviyyəsinə görə karyeramın ən çətin çempionluğu oldu".

48 yaşlı mütəxəssis növbəti mövsüm barədə düşüncələrini bölüşüb: "Növbəti mövsümə yaxşı hazırlaşmalıyıq. Daha güclü şəkildə geri dönməliyik. "Liverpul" bu yarışda yenə qalacaq, digər rəqiblər daha yaxşı vəziyyətdə olacaq. "Mançester Yunayted", "Çelsi", "Tottenhem" və "Arsenal" daha güclü olacaq. Ancaq bu çətinliyi qəbul edirik. Gələcək mövsüm daha yaxşı olacağımıza söz verirəm".

 





Xəbər lenti







Neftçi Qarabağ Qəbələ Sumqayıt Kəpəz Sabah Araz-Naxçıvan Səbail Turan Tovuz Zirə
Banner left
Banner right