Bir müddət öncə intizamsızlığa görə "Fənərbaxça"nın əsas komandasından kənarlaşdırılan Volkan Dəmirəl bağışlanıb.
Newsport.az-ın məlumatına görə, bu barədə İstanbul təmsilçisinin rəsmi saytı xəbər yayıb. Klubun vitse-prezidenti Semih Özsoya hörmətsizlik etdiyi üçün əvəzedici heyətə göndərilən 37 yaşlı qapıçı bu gün keçirdiyi mətbuat konfransında başda prezident Ali Koç olmaqla, bütün "Fənərbaxça" azarkeşlərindən üzr istəyib:
“Başda prezidentimiz olmaqla, bütün qəlbini qırdığım insanlardan üzr istəyirəm. Mən “Fənərbaxça” üçün var oldum, bundan sonra da onun üçün var olacağam”.
Qeyd edək ki, V. Dəmirəl 2002-ci ildən şərəfini qoruduğu “sarı-lacivərtli” klubda ümumilikdə 495 oyuna çıxıb.