Cari mövsüm sərgilədiyi oyunla diqqət mərkəzində olan "Cenoa"nın hücumçusu Kşiştof Pentek baş məşqçi Çezare Prandellidən 10 bal alıb.
Newsport.az-ın məlumatına görə, ötən günlərdə baş məşqçi postuna gətirilən təcrübəli mütəxəssis polşalı futbolçunu nadir görülən hücumçulardan biri kimi qələmə verib:
"Pentek çox güclü hücumçudur. Son nöqtəni əla qoyur. Bir çox çempion futbolçularla çalışmışam, amma Pentek gördüyüm nadir istedadlardan biridir".
Polşa millisinin üzvünün "Cenoa" ilə müqaviləsi 2022-ci ilə qədərdir. 23 yaşlı forvard cari mövsüm A Seriyasında 16 oyuna 12 qol vurub.