Portuqaliya çempionatında 10-cu tura yekun vurulub.
Newsport.az-ın məlumatına görə, "Qarabağ"ın Avropa Liqasının qrup mərhələsindəki rəqibi “Sportinq” öz meydanında autsayder “Şaviş”lə qarşılaşıb və 2:1 hesabı ilə qalib gəlib.
Bu qələbə ilə xalını 22-yə yüksəldən “Sportinq” turnir cədvəlinin 2-ci pilləsində qərarlaşıb. "Şaviş" isə 7 xalla sonuncu - 18-cidir.
Qeyd edək ki, "Sportinq" "Qarabağ"a Lissabondakı ilk görüşdə 2:0 hesabı ilə qalib gəlib. Bu komandalar arasında Bakıdakı qarşılaşma noyabrın 29-da keçiriləcək.