“Qarabağ”ın Avropa Liqasının qrup mərhələsindəki rəqiblərindən “Vorskla” milli komandaların oyunları ilə bağlı yaranmış fasilədən istifadə edərək, yoxlama matçı keçirəcək.
Newsport.az-ın klubun rəsmi saytına istinadən yaydığı xəbərə görə, Poltava təmsilçisi milli komandamızın üzvü Pavel Paşayevin formasını geyindiyi “Aleksandriya” ilə üz-üzə gələcək. Görüş sentyabrın 8-də Krutoy Beryoz şəhərindəki "Ltava" stadionunda oynanılacaq.
Qeyd edək ki, Avroliqanın qrup mərhələsində “Qarabağ”la “Vorskla” arasında ilk qarşılaşma oktyabrın 25-də Tofiq Bəhramov adına Respublika Stadionunda keçiriləcək. Səfərdəki matç isə noyabrın 8-də Poltava şəhərindəki Aleksey Butkovski adına stadionda olacaq.