"Mançester Yunayted"in baş məşqçisi Joze Mourinyo Premyer Liqanın 3-cü turunda evdə "Tottenhem"ə 0:3 hesabı ilə uduzduqları oyundan sonra açıqlama verib.

Newsport.az-ın məlumatına görə, oyundan sonra baş tutan mətbuat konfransında portuqaliyalı mütəxəssis jurnalistlərin ona hörmət etməsini tələb edib: "0:3 hesabı ilə uduzduq. Bu, Premyer Liqadakı çempionluq sayımla eynidir. Mənim 3, digərlərinin isə ümumi 2 çempionluğu var. Mənə hörmət göstərin, hörmət, hörmət, hörmət!"

Qeyd edək ki, Premyer Liqada hazırda çalışan mütəxəssislər arasında Manuel Pelleqrini və Pep Qvardiolanın hərəyə bir dəfə çempionluq sevinci yaşayıblar.