Milli komandamızın üzvü Ramil Şeydayev "Krılya Sovetov" klubunun heyətində debüt edib.
Newsport.az-ın məlumatına görə, Şeydayev Rusiya Premyer Liqasının IV turunda doğma meydanda "Lokomotiv"ə qarşı keçirilən matçda meydanda olub. 22 yaşlı hücumçu qarşılaşmanın 81-ci dəqiqəsində meydana daxil olub. Samara təmsilçisinin Azərbaycan əsilli futbolçusu Azər Əliyev isə ehtiyatda qalıb.
Qarşılaşma "Lokomotiv"in minimal hesablı qələbəsi ilə başa çatıb. Yeganə qolun müəllifi isə Qjeqoj Kırxovyak olub.