Newsport.az-ın məlumatına görə, 22 yaşlı oyunçunun təlim-məşq toplanışındakı çıxışı klubun məşqçi heyətini qane etməyib. Komandanın baş məşqçisi Ünal Karaman gənc hücumçunun ehtiyat oyunçular skamyasında oturmaq şansının belə olmadığını vurğulayıb.
Bundan sonra rəhbərlik Şeydayevin "Trabzonspor"dan alacaqları qarşılığında ona azad agent statusu verməyi təklif edib. Ancaq millimizin üzvünün bu təklifə müsbət cavab vermədiyi bildirilib.
Qara dəniz təmsilçisi ilə 2020-ci il mayın 30-na kimi müqaviləsi olan Şeydayevin gələcəyinin yaxın günlərdə müəyyənləşəcəyi gözlənilir.