Qazaxıstan çempionatında 21-ci turun oyunları keçirilib.
Newsport.az-ın məlumatına görə, "Qəbələ"nin ukraynalı sabiq baş məşqçisi Roman Qriqorçukun çalışdırdığı, Azərbaycan yığmasının üzvü Riçard Almeydanın şərəfini qoruduğu “Astana” səfərdə “Aktobe” ilə qarşılaşıb və bu oyundan heç-heçə ilə ayrılıb - 1:1.
Almeyda start heyətdə meydana çıxıb və yenə sonadək oynayıb. "Aktobe"nin heyətində "Qarabağ"ın digər sabiq futbolçusu Reynaldo da çıxış edib. O, 46-cı dəqiqədə oyuna daxil olub.
"Astana" 54 xalla çempionatın vahid lideridir. "Aktobe" isə 25 xalla 6-cıdır.