Türkiyənin “Qalatasaray” klubu hücum xəttini gücləndirib.
Newsport.az xəbər verir ki, İstanbul klubu "Everton"dan nigeriyalı hücumçu Henri Onyekurunu heyətinə qatıb. 21 yaşlı forvard "Qalatasaray"da 1 illik icarə əsasında çıxış edəcək. Bu keçid "cim-bom"a 800 min avroya başa gəlib.
Onyekuru 2017-ci ildə "Everton"a transfer olsa da, əsas komandada oynamayıb. Nigeriya millisinin üzvü ötən mövsümü "Anderlext"də icarə əsasında keçirib.