“Qarabağ”ın sabiq futbolçusu Raydell Puponun yeni klubu məlum olub.

Newsport.az-ın xəbərinə görə, hollandiyalı hücumçu  yeni mövsümdən Türkiyənin “Qazişehir Qaziantep” klubund çıxış edəcək. Klubun rəsmi saytı Puponun TFF 1-ci liqa təmsilçisi ilə 2 illik müqavilə imzaladığını açıqlayıb.

Qeyd edək ki, Pupon son iki mövsümü TFF 1-ci liqanın digər təmsilçisi “Boluspor”da keçirib. O, son mövsümdə 21 qolla bombardirlər siyahısında yer alıb.

Xatırladaq ki, 2015/16 mövsümünün ilk yarısını “Qarabağ”da keçirən 29 yaşlı forvard 15 oyuna 1 qol vurub.