Rusiyada təşkil olunan futbol üzrə dünya çempionatı çərçivəsində bu gün keçirilən Səudiyyə Ərəbistanı - Misir matçının ən yaxşı oyunçusu müəyyənləşib.
Newsport.az-ın məlumatına görə, qarşılaşmanın ən yaxşısı Misir yığmasının hücumçusu Məhəmməd Salah seçilib. Bu barədə FİFA-nın rəsmi saytı məlumat yayıb.
Qeyd edək ki, Misir yığması bu oyunda 1:2 hesabıyla uduzub. Salah isə komandasının vurduğu yeganə qolun müəllifi olub.