Madridin "Real" klubu daha bir gənc futbolçunun keçidini həll edib.
Newsport.az-ın məlumatına görə, "kral klubu" Braziliyanın "Santos" klubunda forma geyinən Rodriqonun transferini həyata keçirib.
Madrid klubu 17 yaşlı futbolçu ilə 2025-ci ilin yayına qədər müqavilə imzalayıb. O, "Real"ın U-18 komandasında çıxış edəcək və 2019/20 mövsümündə əsas komandaya cəlb olunacaq. "Real" Braziliya millisinin gənc hücumçusuna görə "Santos"a 45 milyon avo ödəyib.
Qeyd edək ki, Rodriqo "Yeni Neymar" ləqəbi ilə tanınır.