Almaniya millisi dünya çempionatına az müddət qalmış ciddi itkiylə üzləşib.
Newsport.az-ın məlumatına görə, millinin yarımmüdafiəçisi Məsut Özil zədələnib. "Bild"in məlumatına görə futbolçunun durumu ciddidir. 29 yaşlı futbolçunun dünya çempionatına aparılmamaq ehtimalı böyükdür. Digər ehtimala görə, o, qrupda iyunun 17-də keçiriləcək Meksika ilə ilk oyunu buraxacaq. Lakin son qərar tezliklə açıqlanacaq.
Qeyd edək ki, Almaniya mundialda Meksika, İsveç və Cənubi Koreya ilə eyni qrupda mübarizə aparacaq.