"Şükürlər olsun ki, qapımızdan qol buraxmadıq, müdafiədə etibarlı oynadıq. Azərbaycan yaxşı rəqibdi. Onların üslubunu bilirdik. Rəqibin güclü oyunçularının qarşısını kəsdik və əlimizə düşən imkanlardan yararlandıq".
Newsport.az-ın məlumatına görə, bu sözləri Qazaxıstan millisinin üzvü Sergey Malıy deyib.
"Astana"nın futbolçusu millinin heyətində Azərbaycana qarşı keçirdikləri yoxlama matçını şərh edib: "Hava çox isti idi və bu, oyunumuza təsir etdi. 35-ci dəqiqədən sonra oynamaq üçün gücümüz çatmırdı. Bu, fiziki cəhətdən zəif olmağımızla bağlı deyildi, sadəcə, hava isti idi".
27 yaşlı müdafiəçi öz oyunlarını artırmağın vacib olduğunu bildirib: "Biz rəqib yox, öz oyunumuz barədə düşünməliyik. Komandamızda xəttlər arasındakı problemləri qaydasına qoymalıyıq".
Futbolçu Qazaxıstan millisinin Millətlər Liqasındakı şanslarını dəyərləndirib: "Millətlər Liqasının başlanğıcına hələ vaxt var. Məşqçilərimiz komandanı həmin turnirə yaxşı hazırlayacaqlar. Mənə şans verdiyi üçün baş məşqçimiz Stanimir Stoilova təşəkkür edirəm. O, mənə və komandaya inanır".