UEFA Çempionlar Liqasının yarımfinal mərhələsinin ilk oyununda "Roma" ilə qarşılaşan "Liverpul" ciddi itkiylə üzləşib.
Newsport.az xəbər verir ki, komandanın əsas üzvlərindən biri Oksleyd Çemberley görüşün 18-ci dəqiqəsində zədələnərək meydanı tərk etmək məcburiyyətində qalıb. Komandadan edilən açıqlamaya görə, dizindən zədə alan futbolçunun vəziyyəti ciddidir.
Baş məşqçi Yurgen Kloppun verdiyi açıqlamaya görə, durumu ciddi olan futbolçu üçün mövsüm başa çatıb.
Qeyd edək ki, "Roma" "Liverpul" matçı (5-2) ev sahiblərinin qələbəsiylə başa çatıb.