Almaniya Bundesliqasının 30-cu turunda bir qədər əvvəl başa çatan “Maynts” – “Frayburq” oyununda maraqlı hadisə baş verib.

Newsport.az-ın məlumatına görə, matçın fasiləsi zamanı baş hakim Quido Uinkmann videotəkrara (VAR) baxaraq qonaqların qapısına penalti təyin edib.

Komandalar stadiona qayıdıb və De Blassis penaltini dəqiq yerinə yetirib. Bununla da meydan sahibləri heç-heçə başa çatan ilk hissəni 1:0 öndə tamamlayıb.

Qeyd edək ki, görüş "Mayts"ın 2:0 hesablı qələbəsi ilə başa çatıb.