“Milan”ın auksionerlərindən biri Cüzeppe La Skala Çempionlar Liqasının 1/4 finalında keçirilən “Real” - “Yuventus” oyunu (1:3) haqda öz fikirlərini bölüşüb. 

Newsport.az xəbər verir ki, Skala Canluici Buffona ironiyalı cavab verərək hakimin haqlı olaraq penalti təyin etdiyini bildirib: 

“Təəssüf ki, penalti haqlı qərar idi. Əksinə olsaydı, onda hakim böyük səhv etmiş olardı. Çao, Cici, Muntari Buffona salam söyləyir. Hakimi rüşvət almaqda ittiham etmək düz deyil. “Yuventus”un lehinə oynayan hakimlər çox həssas olublar”.

Qeyd edək ki, 2011/12 mövsümündə keçirilən “Milan” - “Yuventus” oyununda hakim Salli Muntarinin təmiz qolunu qeydə almamışdı..