Belarus millisinin futbolçusu İvan Mayevski jurnalistlərə müsahibə verib.
Newsport.az xəbər verir ki, 29 yaşlı yarımmüdafiəçi bildirib ki, millidə bütün rəqiblərə qarşı oynamaq onun üçün maraqlıdır: "Mənim üçün rəqibin Sloveniya, Azərbaycan, Lüksemburq və ya Fransa olması vacib deyil. Yığmada oynayırsansa, istənilən matç maraqlıdır".
Millimiz və Sloveniya yığması haqda danışan təcrübəli futbolçu sözlərinə bunları da əlavə edib: "Azərbaycan və Sloveniya yığmaları barədə hələlik heç nə bilmirəm. Bir gündür yığışmışıq. Rəqiblər haqda hələ ki danışmamışıq".
Qeyd edək ki, Azərbaycan - Belarus görüşü martın 23-ü saat 20:00-da başlayacaq.