Harri Keyn bu yay Rusiyada keçiriləcək dünya çempionatını buraxa bilər.

Newsport.az xəbər verir ki, bu iddia ilə İngiltərə mətbuatı çıxış edib. “Tottenhem”in və İngiltərə millisinin üzvü, Premyer Liqanın 30-cu turunda “Bornmut”la oyuna rəqib qolkiper Asmir Beqoviçlə toqquşaraq zədələnən Keyn uzun müddət yaşıl meydandan kənarda qala bilər.

Futbolçunun son durumu haqda məlumat verilməsə də, onun uzun müddət yaşıl meydanlardan kənarda qalacağı bildirilir.

Qeyd edək ki, Keyn bu mövsüm 24 qolla “Liverpul”un futbolçusu Məhəmməd Salahla birgə bombardirlər siyahısına başçılıq edir.