"Mançester Yunayted" "Ayaks"ın vingeri Castin Klayverti transfer etmək istəyir.

Newsport.az-ın məlumatına görə, bu barədə "Daily Mirror" nəşri məlumat yayıb. 18 yaşlı futbolçunun transferi üçün "qırmızı şeytanlar" qarşı tərəfə 10 milyon funt-sterliq ödəməyə hazırdır. Növbəti mövsüm üçün iddialı heyət qurmağı hədəfləyə Mourinyo Klayverti sərəncamında görməyi arzu edir.

Qeyd edək ki, Castin məşhur futbolçu Patrik Klayvertin oğludur. Solaxay futbolçu ötən il Avropa Liqasının finalında "Mançester Yunayted"lə matçdan sonra Joze Mourinyo ilə söhbət etmişdi. Hollandiyalı gənc oyunçu həmin söhbət haqda bunları demişdi: “Mourinyo məni çox kiçik yaşlarımdan tanıyır. Mənim atam “Barselona”da çıxış edən zaman Mourinyo baş məşqçinin köməkçilərindən biri idi”.

Əlavə edək ki, Castin Klayvert "Ayaks" yetirməsidir.