Uzun müddətdir "Barselona"dan ayrılacağı gözlənilən argentinalı futbolçu Xavyer Maskerano komandadan ayrılıb.

Newsport.az xəbər verir ki,dünən İspaniya Kubokunun 1/4 final mərhələsi çərçivəsində,doğma meydanda "Espanyol"u qonaq edən Katalon təmsilçiləri,(2-0) 33 yaşlı futbolçuya təntənəli şəkildə vida mərasimi təşkil ediblər. Nəzərinizə çatdıraq ki, müdafiəçi 10 milyon avro qarşılığında  Çinin "Xabey Çayna Forçun" klubu ilə müqavilə imzalayıb.

2010-cu ildən "Barselona"nın şərəfini qoruyan Maskerano katoloniya təmsilçiləri ilə 334 rəsmi oyuna çıxıb.