Bu gün UEFA-nın yeni təsis etdiyi Millətlər Liqasının püşkü atılıb.
Newsport.az-ın məlumatına görə, İsveçrənin Lozanna şəhərində keçiriləcək mərasim Bakı vaxtı ilə 15:00-da start götürüb.
Tədbirdə ölkəmizi AFFA-nın baş katibi Elxan Məmmədov və milli komandanın baş məşqçisi Qurban Qurbanov təmsil edib.
55 ölkənin yığma komandaları UEFA reytinqində yer aldıqları mövqeyə uyğun olaraq 4 liqaya və səbətlərə bölünüb.
Reqlamentə əsasən, A, B, C və D liqalarının qalibləri AVRO-2020-yə vəsiqə qazanacaqlar. Qaliblər hər liqada qrup birinciləri arasında təşkil olunacaq "Dördlər finalı”nda müəyyənləşəcək.
UEFA İcraiyyə Komitəsinin qərarına əsasən, dövlətlər arasındakı münasibətlərə görə Azərbaycan və Ermənistan, eləcə də Rusiya ilə Ukrayna eyni qrupa düşə bilməzlər. Lakin bu ölkələri təmsil edən yığmaların finalda üz-üzə gəlmələri mümkündür.
Püşkatma Azərbaycan millisinin yer aldığı D Liqasının I səbətindən başlayıb və seçməmiz 3-cü qrupda qərarlaşıb. Mərhələ adlamaq üçün yığmamız Malta, Kosova və Farer adaları kollektivləri ilə mübarizə aparacaq. Ümumilikdə isə ilk dəfə təşkil olunacaq yarışın liqaları üzrə püşkün nəticəsini sizə təqdim edirik.
A liqası
I qrup
Almaniya
Fransa
Hollandiya
II qrup
Belçika
İsveçrə
İslandiya
III qrup
Portuqaliya
İtaliya
Polşa
IV qrup
İspaniya
İngiltərə
Xorvatiya
B liqası
I qrup
Çexiya
Ukrayna
Slovakiya
II qrup
Türkiyə
İsveç
Rusiya
III qrup
Şimali İrlandiya
Bosniya və Herseqovina
Avstriya
IV qrup
Danimarka
İrlandiya
Uels
C liqası
I qrup
İsrail
Albaniya
Şotlandiya
II qrup
Estoniya
Finlandiya
Yunanıstan
Macarıstan
III qrup
Kipr
Bolqarıstan
Norveç
Sloveniya
IV qrup
Litva
Monteneqro
Serbiya
Rumıniya
D liqası
I qrup
Andorra
Qazaxıstan
Latviya
Gürcüstan
II qrup
San Marino
Moldova
Lüksemburq
Belarus
III qrup
Kosovo
Malta
Farer adaları
Azərbaycan
IV qrup
Cəbəllütariq
Lixtenşteyn
Ermənistan
Makedoniya
Qeyd edək ki, oyunların keçirilmə tarixləri də bəllidir. Qrup oyunları 2018, final mərhələsi 2019, pley-off 2020-ci ildə keçiriləcək.
Qrup mərhələsi
I tur – 6-8 sentyabr 2018
II tur – 9-11 sentyabr 2018
III tur – 11-13 oktyabr 2018
IV tur – 14-16 oktyabr 2018
V tur – 15-17 noyabr 2018
VI tur – 18-20 noyabr 2018
Final mərhələsinin püşkü – dekabr 2018
Final mərhələsi – 5-9 iyun 2019
Pley-offun püşkü – 22 noyabr 2019
Pley-off – 26-31 mart 2020