PSJ qış transfer dönəmində heyətini gücləndirib
Newsport.az-ın məlumatına görə, Paris klubu yarımmüdafiəçi Lassana Diarranı heyətinə cəlb edib.
Birləşmiş Ərəb Əmirliklərinin “Əl-Cəzirə” klubu ilə yollarını ayırdıqdan sonra azad agent statusu daşıyan 33 yaşlı futbolçu bu gün PSJ-də tibbi müayinədən keçib. Fransa millisinin üzvünün yeni komandası ilə 1,5 illik müqavilə imzalaması gözlənilir.
Qeyd edək ki, Lassana Diarra karyerası ərzində “Çelsi”, “Arsenal” və “Real” kimi nəhəng klubların formasını geyinib.