21 yaşadək futbolçular arasında Avropa çempionatının seçmə mərhələsi çərçivəsində Azərbaycan millisinin qonağı olacaq Almaniya yığmasının heyəti açıqlanıb.
Newsport.az-ın məlumatına görə, “panzerlər”in baş məşqçisi Ştefan Kunts millimizlə qarşılaşma üçün 22 futbolçuya dəvət göndərib.
Qapıçılar: Svend Brodersen (Sankt-Pauli), Nils Korber (Prussen Munster), Aleksander Nubel (Şalke)
Müdafiəçilər: Valdemar Anton (Hannover), Timo Baumqartl (Ştutqart), Benjamin Henriş (Bayer), Ceyms Horn (Köln), Tilo Kehrer (Şalke), Lukas Klostermann (Leyptsiq), Paskal Ştenzel (Frayburq), Cordan Torunariqa (Herta)
Yarımmüdafiəçilər: Nadiem Amiri, Dennis Qeyqer, Filip Oş (hamısı “Hoffenhaym”), Mahmud Dahud (Borussiya D), Marsel Hartel (Union Berlin), Eduard Loven (Nürnberq), Florian Neuhaus (Fortuna), Levin Öztunalı (Maynts)
Hücumçular: Canni Serra (Borussiya D), Aron Seydel (Holşteyn), Sedrik Teuçert (Nürnberq”).
Xatırladaq ki, Almaniya yığması noyabrın 9-da millimizin qonağı olacaq, ayın 14-də isə İsraili qəbul edəcək.