Futbol üzrə Makedoniya çempionatında 13-cü turun oyunları keçirilib.
Newsport.az-ın məlumatına görə, azərbaycanlı futbolçu Tural Hümbətovun formasını geyindiyi “Pobeda” da növbəti matçına çıxıb. Sözügedən kollektiv doğma meydanda “Şkendiya” ilə qarşılaşıb. Futbolçumuzun komandası bu oyundan məğlubiyyətlə ayrılıb - 0:2.
Tural bu görüşün iştirakçısı olmayıb. Onun adı bu görüşün iştirak ərizəsinə daxil edilməyib.
“Pobeda” geridə qalan turlarda 12 xal qazanıb və 10 komanda arasında 9-cu pillədə qərarlaşıb.