Futbol üzrə Portuqaliya ikinci liqasında (Sequnda) 12-ci turun oyunları keçirilib.
Newsport.az-ın məlumatına görə, azərbaycanlı futbolçu Budaq Nəsirovun şərəfini qoruduğu “Sportinq”in B komandası da növbəti matçına çıxıb. Sözügedən kollektiv doğma meydanda “Leyksoeş”lə qarşılaşıb. Futbolçumuzun komandası bu oyundan heç-heçə ilə ayrılıb - 1:1.
Nəsirov bu matçın iştirakçısı olmayıb. O, görüşü sonadək ehtiyat oyunçular skamyasından izləyib.
"Sportinq" hazırda 15 xalla 20 klub arasında 11-ci pillədə qərarlaşıb.