İspaniya La Liqasının 9-cu turunda "Atletiko" səfərdə "Selta"nın qonağı olacaq.

Newsport.az xəbər verir ki, Madrid klubunun baş məşqçisi Dieqo Simeone açıqlama verib. Argentinalı mütəxəssis komandasının Çempionlar Liqasının qrup mərhələsinin 3-cü turunda Bakıda təmsilçimiz "Qarabağ"a qarşı keçirdiyi oyun haqda da danışıb:

“Mənim çox güclü və rəqabət hissi olan komandam var. Son 6 il yarımda olduğu kimi mübarizə aparmağa davam edəcəyik. Mövsümün gedişində fərqli vəziyyətlər yarana bilər. Futbol asan deyil. Biz də hazırda bu vəziyyətdəyik. Nə Bilbaoda qələbə qazananda çox sevindim, nə də Bakıda heç-heçə edəndə üzüldüm. Çünki bunlar üçün vaxt yoxdur. Çalışıb, vəziyyətdən çıxmalıyıq. İnanıram ki, “Atletiko” doğru yolu tapacaq”.