Türkiyənin "Antalyaspor" klubu heyətini ulduz futbolçu ilə gücləndirib.
Newsport.az-ın məlumatına görə, Super Liqa təmsilçisi "Mançester Siti"nin yarımmüdafiəçisi Samir Nəsrini transfer edib. Fransa millisinin üzvü bu gün Antalyaya gələrək 2 illik rəsmi müqaviləyə imza atacaq.
30 yaşlı yarımmüdafiəçi "qırmızı-ağlar"da illik 4 milyon avro və bonuslar qazanacaq.
Qeyd edək ki, Samir Nəsri son mövsümü icarə əsasında "Sevilya"da keçirib. O, La Liqa klubunun heyətində meydana çıxdığı 23 qarşılaşmada 2 qol vurmağı bacarıb.