Türkiyənin “Qalatasaray” klubu İngiltərə Premyer Liqasında çıxış edən futbolçusunu heyətinə qatır.
Newsport.az-ın məlumatına görə, klub “Mançester Siti”də forma geyinən yarımmüdafiəçi Fernando Fransisko Rejesi transfer edib.
Müqaviləyə əsasən Fernandoya 3 milyon avro, klubu "Mançester Siti"yə 5,25 milyon avro ödəniləcək. Futbolçu iyulun 30-dək İstanbula gəlib tibbi müayinədən keçərək, rəsmi müqaviləyə imza atacaq.
30 yaşlı Fernando daha əvvəl Braziliyanın "Vila Nova", Portuqaliyanın "Portu" və "Eştrela" komandalarında da çıxış edib.