Türkiyənin “Fənərbaxça” klubunun sabiq futbolçusu Bekir İrtegün həbs edilib.
Newsport.az-ın məlumatına görə, 33 yaşlı müdafiəçi Fətullahçı Terror Təşkilatının (FETÖ) “ByLock” kömpüter proqramından istifadə etməkdə şübhəli bilinir.
Qeyd edək ki, Türkiyə yığmasının heyətində 10 oyun keçirən Bekir İrtegün 2009-2015-ci illərdə “Fənərbaxça”da çıxış edib. Onun son iş yeri bir neçə gün əvvəl yollarını ayırdığı “Başakşəhər” klubu olub.