"Sevilya"nın futbolçusu Vitolo karyerasını "Atletiko"da davam etdirəcək.

Newsport.az xəbər verir ki, ispaniyalı futbolçu transfer hüquqlarını 37.5 milyon avro ödəməklə Əndəlus klubundan alıb. Daha sonra Vitolo "Atletiko" ilə 2022-ci ilin yayına kimi müqaviləyə imza atıb. Madridlilər onu yanvarın 1-i qeydiyyatdan keçirə biləcək. FİFA-nın "Atletiko"ya qoyduğu transfer qadağasına görə Vitolo mövsümün 1-ci yarısını icarə əsasında digər La Liqa təmsilçisi "Las Palmas"da keçirəcək.

Vitolo 2013-cü ildən "Sevilla"nın şərəfini qoruyurdu. İyulun 10-da klub 27 yaşlı oyunçu müqaviləni 2022-ci ilə kimi yenilədiyi barədə məlumat yaymışdı.

Qeyd edək ki, ötən mövsüm 30 oyuna çıxan futbolçu 6 qol vurub, 6 məhsuldar ötürmə yadda qalıb