“Real Madrid” “Monako”nun gənc hücumçusu Kilian Mbappeni transfer etmək üçün Xames Rodriqezi satmaq niyyətindədir.

Newsport.az-ın məlumatına görə, “Mançester Yunayted” Xames üçün 70 milyon avro ödəməyə hazırdır.

“Real Madrid”in isə Mbappe üçün 135 milyon avro ödəyə biləcəyi söylənilirdi. “Kral klubu” bu büdcənin yarısını Xamesin satılması ilə həll etmək istəyir.

Qeyd edək ki, Alvaro Moratanın “Mançester Yunayted”ə keçidi gündəmə gəlsə də iki klub arasında razılıq əldə edilməyib. Buna görə də, Mançester təmsilçisi “Everton”dan Romelu Lukaku ilə razılaşıb.