Rusiya millisinin Azərbaycan əsilli futbolçusu Aleksandr Səmədov şəxsi “İnstagram” hesabındakı “tarix” bölməsinə yerləşdirdiyi foto ilə diqqət çəkib.

Newsport.az-ın məlumatına görə, əslən azərbaycanlı olan futbolçu Ermənistan ordusu tərəfindən Füzulinin Alxanlı kəndində qətlə yetirilən 2 yaşlı Zəhra və onun nənəsi Quliyeva Sahibənin ölümünə biganə qalmayıb.

Atası azərbaycanlı olan yarımmüdafiəçinin “İnstagram”da 50 minə yaxın izləyicisindən 90 faizinin əcnəbi olduğunu nəzərə alsaq, onun bu addımını alqışlamaq lazımdır.

Qeyd edək ki, Aleksandr Səmədov Azərbaycan millisindən imtina edərək Rusiya yığmasını seçib.