Çinin ikinci futbol liqası komandalarından "Pekin Enterprises"ın 30 yaşlı yarımmüdafiəçisi Şeyk İsmael Tiote məşqdə ürək tutması nəticəsində dünyasını dəyişib.
Newsport.az-ın məlumatına görə, futbolçunun meneceri Emanuele Palladino bu barədə İngiltərə mətbuatına açıqlamasında məlumat verib. O bildirib ki, Tiote komandasının məşqi zamanı anidən yerə yıxılıb və həyata gözlərini yumub.
Fil Dişi Sahili yığmasında 55 oyun keçirən futbolçu karyerası ərzində "Anderlext", "Tvente" və "Nyukasl" klublarında çıxış edib.