“Xəzər Lənkəran”ın sabiq futbolçusu, son iki mövsümü Türkiyənin “Antalyaspor” klubunun heyətində keçirən Etame Mbilla karyerasını İtaliyada davam etdirə bilər.
Newsport.az-ın məlumatına görə, Antalya təmsilçisi ilə müqaviləsi başa çatan futbolçu agentlər tərəfindən İtaliya A Seriyasında mübarizə aparan “Latsio” klubuna təklif edilib. Əgər Roma təmsilçisinin məşqçilər korpusu razılıq versə, 28 yaşlı futbolçunun kluba keçidi rəsmiləşəcək.
Qeyd edək ki, Mbilla 2013/14 mövsümündə “Xəzər Lənkəran”da oynamışdı. Kamerunlu futbolçu bu mövsüm “Antalyaspor”un heyətində çıxdığı 28 oyunda 4 qol və 4 məhsuldar ötürmə ilə yadda qalıb.