Kiyev "Dinamo"sunun yeni baş məşqçisinin adına aydınlıq gəlib.
Newsport.az klubun rəsmi saytına istinadən xəbər verir ki, komandanı belaruslu məşqçi Aleksandr Xatskeviç çalışdıracaq. Tərəflər arasında 2 illik müqavilə imzalanıb.
"Dinamo"nun sabiq futbolçusu olan Xatskeviç bundan əvvəl Belarus millisinin baş məşqçisi olub.
Qeyd edək ki, belaruslu çalışdırıcı bu vəzifədə bir neçə gün öncə istefaya göndərilən Sergey Rebrovu əvəzləyib.