Slovakiya çempionatında XXXI turun oyunları davam edir.
Newsport.az-ın məlumatına görə, millimizin futbolçusu Ramil Şeydayevin şərəfini qoruduğu "Jilina" bu turda doğma meydan son matçına çıxıb.
Çempionluğu təmin etmiş komanda evində “Senika” klubunu qəbul edib. 5 qolun vurulduğu qarşılaşmada “Jilina” 3:2 hesablı qələbə qazanıb.
Millimizin üzvü bu matçın da iştirakçısı olub. Oyuna start heyətdə başlayan gənc forvard 79-cu dəqiqədə əvəzlənib.
Qeyd edək ki, “Jilina” bu qələbə sayəsində xallarının sayını 67-ə çatdırıb.