Portuqaliyada oyun alqı-satqısı üsyanı ortaya çıxıb.
Newsport.az xəbər verir ki, Portuqaliyanın 2-ci liqasında baş tutan "Freamunde" - "Penafil" matçından sonra hakimlər meydanı polis nəzarəti altında tərk etməli olub. Çempionatda qalmaq üçün savaşan "Freamunde" rəqibini doğma meydanda qəbul edirdi. 1:2 hesabı ilə məğlub olan meydan sahiblərinin 3 qolunun sayılmaması, üstəlik bu azmış kimi futbolçulardan birinin qırmızı vərəqə ilə meydandan ayrılması rəhbərliyi hərəkətə keçirib.
"Freamunde" rəhbərliyi final fitinin ardından oyun alqı-satqısı iddiası ilə şikayət edib.
Matçın baş hakimləri Helder Malheyro, Rui Cidade, Joao Yakob və Migel Liborio böyük təzyiqlər səbəbindən stadionu polisin köməyi ilə tərk etmək məcburiyyətində qalıb.