“Real”ın müdafiəçisi Serxio Ramos anti-rekorda imza atıb.
Newsport.az-ın “AS”a istinadən yaydığı xəbərə görə, “Barselona” ilə oyunda meydandan qovulan futbolçu karyerası ərzində 22-ci dəfə qırmızı vərəqə alıb.
Bu isə ispan klubları üçün rekorddur. Buna qədər ən çox meydandan qovulan “Saraqosa”nın müdafiəçisi Xavi Aquado idi - 21 dəfə.
Qeyd edək ki, Ramos 17 dəfə La Liqada, 2 dəfə İspaniya kubokunda 3 dəfə isə avrokuboklarda meydandan uzaqlaşdırılıb.