"Arsenal"ın futbolçusu Məsut Özil Çindən fantastik təklif aldığını və bundan imtina etdiyini bildirib.

Newsport.az-ın məlumatına görə, Almaniya millisinin üzvünə bu ölkədən inanılmaz təklif gəlib. Belə ki, çinlilər türk əsilli yarımmüdafiəçiyə 5 ilinə 115 milyon avro təklif edib. "Daily Mail"ə açıqlama verən 29 yaşlı futbolçu Çində oynamaq istəmədiyini qeyd edib:

"Çinlilər mənə 5 ilimə 115 milyon avro verməyə hazır idilər. Bu qədər pul mənim xəyal gücümün sərhədlərindən uzaqdı. Təklifi rədd etməyim 3 dəqiqədən də az çəkdi. Menecerim zəng edərək təklifin miqdarını söylədi. Karyeramı bitirmək ərəfəsində deyiləm. Hələ "Arsenal"la kuboklar qazanmaq istədiyimi dedim. Nə qədər pul versələr də Çində oynamayacam. Mümkün deyil".